O problema da lista de criterios que recollimos no post
anterior, é que é demasiado extensa e demasiado complexa para alumnos de
primeiro e segundo da ESO. Preguntas como “Os recursos paratextuais facilitan a
comprensión ou a complexizan?” ou “Que información transmite a url?” non son
doadamente entendidas por eles. Ademáis, ter que encher toda a lista para
chegar á conclusión de que a páxina é fiable ou non é unha actividade demasiado
longa. Ninguén, cando procura algo na rede, faise todas as preguntas que temos
recollido no post anterior. A procura na rede ten que ser algo rápido. Apenas
uns segundos para decidir se debo permanecer nesa páxina e lela enteira ou non.
Por iso consideramos que hai que reducir ao máximo todas
esas cinco preguntas.
As tres preguntas que deben facerse os nosos alumnos para
saber se é fiable ou non unha páxina son:
1. Quen é o autor/responsable da páxina?
(esto inclúe non só a persoa que firma a páxina, senon a
entidade que está detrás dela. Pode ser un periódico, una biblioteca nacional…
ou unha persoa recoñecida no campo do que trata a páxina).
2. A información é relevante?
3. Está actualizada?
No hay comentarios:
Publicar un comentario